طريقة تتبيلة اللحم المغربية قبل وضعه في الطاجين

سالت بعض النساء المغربيات عن التتبيلة التي يستعملنها مع اللحم قبل طبخه في الطاجين او الطنجية او طنجرة الضغط

طريقة السيدة الاولى : ضعيي على اللحم الزيت و الفلفل السوداني (الابزار) . الكمون . وقليل من التحميرة و الخرقوم البلدي و قليل من القرفة و الملح و اتركيهم حتى يتشرب اللحم التوابل


طريقة السيدة الثانية : قطعي بصلة . بعض البقدونس .ملح . زنجبيل يابس . قليل من القرفة و الزيت و يبيت ليلة كاملة قبل ان يطبخ ، يكون مذاقه لذيذا

طريقة السيدة الثالثة :ديري أختي العطرية البزار سكنجبير الخرقوم عرق والملحة وشوية زعفران حر وشوية الما سخون ورقدي فيه اللحم.الزيت حتى فاش تبغي الطبيه وديرها .


طريقة السيدة الرابعة :الا بغيتي ديريه بحال مشوي جمديه والغد ديري بوحدو مع نصف كاس زيت مليحة وكامون سدي عليه فكوكوت عافية مهيلة بزاف والا بغيتيه طنجية ديريه نفس طريقة وديري اربع ريوس ثوم بقشرتهم نصف كاس زيت عطرية خرقوم بلدي شوية ابزار مليحة طرونش ديال حامض مصير طريطقة دسمن شوية مروزية الا كانت صافي سدي عليها تصفر الكوكوت وحلي عليها خليها طيب حتى تختر المريقة ديما عافية مهييلة  راه كاتجي روووعة

  طريقة السيدة الخامسة :ايلا عندك الفاخر (الفحم ) شعليه و ديري ليه تصيب الطنجية كاس، زيت العود، الزعفران السمن الحامض مصير الكامون القزبر كارم مطحون و 2كاس الما و بيتيه يطيي، عل لفاخر غايطبح معلك. و بنين و بحال الزبدة و في التقديم ديري اللوز مقلي، مع اابرقوق

طريقة السيدة السادسة :العطرية كاملة و شوية مروزية و حامض مصير قشور مقطعين صغار الزعفران و لا ضامة زعفران و شوية السمن كيجي وااعر البصلة، الربيع،الثومة،مطيشة الحك، و زيت مخلطة مابين المائدة و الزيتون عينيك ميزانك الا مكانش اللحم مشحم.


طريقة السيدة السابعة: لحم مكبغيش العطريه بزاف بحال دجاح غير  ملح بزار خرقوم بلدي سكين جبير شوية ربيع مروزية تومة شوية نديروه في كوكوط اغلى عادنضيفو بصل زيت شوية الا بغيتي اما سمن اما زيت عود فا ش تبغي تزيدي ماء اكون سخون اطيب في اخير تحيدي حتى ينشف


طريقة السيدة الثامنة: لبنات انا عندي ليكم وحد طريقة ديما كنديرها وكتجي غزالة ديرو لحم فلكوكوط ولماء لقياس لي يغطي لحم شوية وديرو 4 او 5 لفصوص ديال ثومة صينة وبجلوفها 2 بصلات او 3 كركوبة حت هي تلوحوة صينة وخصوصا هديك لبصلة صغيرة الى كانت هي موجودة تقدرو ديرو منها حت4 وتزيدو نصف كاس زيت بلدية شوية الملح وابزار شوية زعتر ويزير شوية زعفران شعرة شوية سمن كيبغى عافية مهيلة ويطيب حت ينشف راه كتجي مرقتو معلكة وخاترة ولحم كيجي زبدة ومذاق غزال

طريقة السيدة التاسعة : مني يطيب اللحم دخليه للفران ذهنيه بزبدة وزعفران شعرة والمرقة خليها حتى تعقد مني تحطي اللحم زوفيه بالمسير وزيتون هذا المحمر لي كنديرو فالعيد لكبير

راي السيدة العاشرة : انا بعدا لي كنعرف بلي اللحم كتطيب ب 3 دالطرق.يا اما بالبصلة والابزار والخرقوم واسكنجبير.وشوية دالقرفةوسنيون دالتويمة ....يا اما بالتوم والقصبور والكمون والتحميرة...يا اما بالعطرية دالمروزية والعسل ....اما الكامون مع البصلة عمري جربتو ولا سمعت بيه
راي السيدة الاخيرة : ديري لحم بالبرقوق عادي نصيحة ماعمرك تجربي وصفات جداد فالضياف ...الوصفات الجداد جربيهم بوحدك مع راجلك ووليداتك حتى الى ماصدقاتش شيحاجة ماتحرجيش
في الختام اتمنى ان تجربوا هذه الوصفات و تنال اعجابكم 😀